पेटभित्र लुकाएर कोकिन ल्याउने सेनेगलका नागरिक पक्राउ

काठमाडौं, १ असार । नेपाल प्रहरीको लागुऔषध नियन्त्रण ब्युरोले करिब १ किलो ५०० ग्राम कोकिनसहित तीन विदेशी नागरिकलाई पक्राउ गरेको छ ।

पक्राउ पर्नेमा सेनेगलका ४३ वर्षीय आमादु सार तथा भारतका दुई महिला रुबी -३६) र सोनी -३१) रहेका छन् । प्रहरीका अनुसार आमादु सार जेठ २६ गते इथियोपियाबाट दोहा हुँदै काठमाडौं आएका थिए ।

शंकाका आधारमा निगरानीमा राखिएका उनलाई ठमेलस्थित होटलबाट पक्राउ गर्दा उनले पेटभित्र लुकाएर ल्याएको कोकिन बरामद भएको थियो ।

अस्पतालमा गरिएको परीक्षणपछि उनको पेटबाट ८८७६ वटा क्याप्सुलमा राखिएको १.५ किलो कोकिन८८ निकालिएको ब्युरोले जनाएको छ ।

अनुसन्धानका क्रममा उक्त कोकिन बुझ्न भारतबाट आएका दुई महिलालाई पनि प्रहरीले ठमेलबाट पक्राउ गरेको हो । उनीहरूबाट राहदानी, आधार कार्ड र मोबाइल फोन समेत बरामद गरिएको छ ।

पक्राउ परेका तीनै जनामाथि लागुऔषध नियन्त्रण ऐनअन्तर्गत थप अनुसन्धान भइरहेको प्रहरीले जनाएको छ ।