काठमाडौं, २८ जेठ । गृहमन्त्री सुधन गुरुङले काठमाडौंको माइतीघर मण्डलामा विभिन्न माग राखी धर्नामा बसेका समूहका प्रतिनिधिहरूसँग भेटवार्ता गरेका छन् ।
बिहीबार अपराह्न माइतीघर पुगेर गृहमन्त्री गुरुङले धर्नारत व्यक्तिहरूको माग, समस्या तथा गुनासो सुनेका थिए । भेटका क्रममा उनले आन्दोलनकारीहरूले उठाएका विषयप्रति सरकार गम्भीर रहेको बताउँदै माग सम्बोधनका लागि आवश्यक पहल गर्ने प्रतिबद्धता व्यक्त गरेका छन् ।
धर्नामा सहभागीहरूले आफ्ना माग तत्काल सम्बोधन गर्न सरकारको ध्यानाकर्षण गराएका थिए । गृहमन्त्री गुरुङले सम्बन्धित निकायसँग समन्वय गरी जायज मागहरू समाधानका लागि पहल गरिने विश्वास दिलाएका छन् ।
गृहमन्त्रीको प्रत्यक्ष भेटपछि धर्नारत समूहले सरकारसँग संवादको वातावरण बनेको भन्दै सकारात्मक प्रतिक्रिया दिएका छन् ।
