काठमाडौं, १२ जेठ । नेपाल भ्रमणमा रहेको युरोपेली प्रतिनिधिमण्डलले नेपाल सरकारका सुशासन, आर्थिक वृद्धि र रोजगारी सिर्जनासम्बन्धी प्राथमिकतामा सहकार्य गर्न तयार रहेको जनाएको छ ।
टोलीले प्रधानमन्त्री बालेन शाह, परराष्ट्रमन्त्री शिशिर खनाल तथा पर्यटनमन्त्री खडकराज पौडेलसँग भेटवार्ता गरेको थियो । पत्रकार सम्मेलनमा प्रतिनिधिमण्डलले नेपाल–युरोप जनस्तरको सम्बन्ध बलियो बन्दै गएको र नेपाली विद्यार्थी तथा कामदारहरूको युरोपप्रतिको आकर्षण बढिरहेको उल्लेख ग¥यो ।
प्रतिनिधिमण्डलकी प्रमुख भेरोनिक लोरेन्जेका अनुसार ‘इरास्मस’ कार्यक्रम नेपाली विद्यार्थीका लागि महत्त्वपूर्ण अवसर बन्दै गएको छ । टोलीले नेपालको नयाँ पर्यटन रणनीतिपछि पर्यटन क्षेत्रमा सकारात्मक ऊर्जा देखिएको बताउँदै युरोपेली देशहरूले पर्यटन विकासमा आफ्नो अनुभव र विज्ञता साझेदारी गर्न सक्ने धारणा राखेको छ । साथै, आगामी दिनमा शिक्षा, पर्यटन र आर्थिक विकासमा सहकार्य अझ विस्तार गरिने जनाए ।
