काठमाडौं, ११ जेठ । हवाई इन्धनको मूल्यवृद्धि र टिकट भाडा महँगिएपछि आन्तरिक हवाई यात्रु संख्या घटेको छ ।
त्रिभुवन विमानस्थल कार्यालयका अनुसार अप्रिल २०२६ मा कुल ३ लाख १७ हजार ९५४ आन्तरिक यात्रुले उडान गरेका छन्, जुन मार्चको तुलनामा कम हो ।
वायुसेवा कम्पनीहरूले इन्धन मूल्य दोब्बर वृद्धि भएपछि भाडा बढ्दा यात्रु घटेको बताए । यस अवधिमा बुद्ध एयरले सबैभन्दा बढी १ लाख ७२ हजार ८७६ यात्रुलाई सेवा दिएको छ भने यती एयरलाइन्सले ७१ हजार २७ र श्री एयरलाइन्सले ५३ हजार ५२१ यात्रुलाई सेवा दिएका छन् । यता, अन्तर्राष्ट्रिय उडानतर्फ भने पर्यटकीय मौसमका कारण यात्रु संख्या बढेर ४ लाख ५० हजार ५८२ पुगेको छ ।
