काठमाडौं, २ जेष्ठ । आईसीसी विश्वकप क्रिकेट लिग–२ अन्तर्गत नेपालले अमेरिकामाथि ९ विकेटको शानदार जित दर्ता गरेको छ ।
अमेरिकाले दिएको १९६ रनको लक्ष्य नेपालले ३६.४ ओभरमा मात्र एक विकेट गुमाएर पूरा ग¥यो । नेपालको जितमा ओपनर कुशल भुर्तेल नायक बने।
उनले ११७ बलमा १३ चौका र ४ छक्कासहित अविजित १२० रनको शतकीय इनिङ्स खेले । कुशल र आसिफ शेखबीच पहिलो विकेटका लागि १४५ रनको उत्कृष्ट साझेदारी भयो।
आसिफले ५९ रन बनाए भने इसान पाण्डे १६ रनमा अविजित रहे । यसअघि त्रिवि क्रिकेट मैदानमा टस जितेर ब्याटिङ गरेको अमेरिका ४३.३ ओभरमा १९५ रनमा समेटिएको थियो।
अमेरिकाका स्मित पटेलले सर्वाधिक ८४ रन बनाए भने शेहान जयसुरियाले अर्धशतक प्रहार गरे । नेपालका बलरमध्ये दीपेन्द्रसिंह ऐरीले ४ विकेट लिए।
सोमपाल कामीले २ तथा सन्दीप लामिछाने र गुल्सन झाले एक–एक विकेट लिए। नेपालले अब सोमबार स्कटल्याण्डसँग खेल्नेछ ।
