रूपन्देही, ७ चैत । कपिलवस्तुको महाराजगञ्ज क्षेत्रमा हिन्दु र मुस्लिम समुदायबीच उत्पन्न विवाद चर्किन नदिन स्थानीय प्रशासनले निषेधाज्ञा जारी गरेको छ ।
जिल्ला प्रशासन कार्यालय कपिलवस्तुले दिउँसो २ बजेदेखि तोकिएको क्षेत्रमा भेला, जुलुस, सभा तथा प्रदर्शनमा रोक लगाएको जनाएको छ ।
वडा नं. २ र ३ को सीमाक्षेत्रमा ईद र नवरात्र पर्व मनाउने क्रममा भजनको आवाजलाई लिएर विवाद सुरु भई झडपमा परिणत भएको थियो ।
घटनामा एक बालकसहित ६ जना घाइते भएका छन् । स्थिति नियन्त्रणमा लिन प्रहरीले ७ राउन्ड अश्रुग्यास प्रहार गरेको थियो । हाल क्षेत्रमा सुरक्षा सतर्कता बढाइएको छ र दुवै पक्षलाई संयम अपनाउन प्रशासनले आग्रह गरेको छ ।
