जनकपुरं, ५ चैत । चैत्र शुक्ल प्रतिपदाको पावन अवसरसँगै आजदेखि चैत्र दशैंअन्तर्गत नवरात्र सुरु भएका छन् ।
यस अवसरमा जनकपुरको राजदेवी मन्दिर लगायत विभिन्न स्थानमा घटस्थापना गरी विधिपूर्वक नवदुर्गा देवीको पूजा आराधना आरम्भ गरिएको हो ।
नेपाल पञ्चाङ्ग निर्णायक विकास समितिका कार्यकारी निर्देशक लक्ष्मण पन्थीका अनुसार घटस्थापनाका लागि विहीबार बिहान देखि साइत उत्तम मानिएको छ ।
साथै, उत्तर दिशातर्फ फर्केर घटस्थापना गर्नुपर्ने उल्लेख गरिएको छ । नवरात्रको अवसरमा देशभरका देवी मन्दिर तथा शक्तिपीठहरूमा भक्तजनको घुइँचो लाग्ने गर्दछ।
शास्त्रीय मान्यताअनुसार वर्षमा चारपटक नवरात्र पर्ने गर्दछ । आसार, असोज, पुस र माघ शुक्ल पक्षमा पर्ने नवरात्रमध्ये आसार र पुस महिनाका नवरात्रलाई नेपाली परम्परामा ‘लुप्त नवरात्र’का रूपमा चिनिन्छ ।
