महोत्तरी, १३ फागुन । महोत्तरी निर्वाचन क्षेत्र नम्बर २ बाट प्रतिनिधिसभा सदस्यका उम्मेदवार डा. राकेश मण्डलले फरक, रचनात्मक र जनमुखी शैलीमार्फत चुनावी प्रचारलाई तीव्र बनाएका छन् ।
४२ वर्षीय डा. मण्डल पेशाले हार्डजोर्नी तथा मेरुदण्ड रोग विशेषज्ञ हुन् । उनले चीनबाट एमबीबीएस तथा भारतबाट एमएस (अर्थोपेडिक÷स्पाइन सर्जरी) अध्ययन पूरा गरेका छन् ।
साथै, स्पाइन फेलोसिप हासिल गरी वर्षौंदेखि मेरुदण्ड, नसासम्बन्धी समस्या र हाडजोर्नी रोगको उपचारमा सक्रिय रहँदै आएका छन् । ग्रामीण तथा आर्थिक रूपमा कमजोर वर्गका बिरामीलाई सुलभ र गुणस्तरीय उपचार पु¥याउने उनको अभ्यासले उनलाई स्वास्थ्य क्षेत्रमा चिनाएको छ ।
डा. मण्डलले स्वास्थ्य क्षेत्रमै सीमित नरही अब सामाजिक र नीतिगत तहबाट सेवा गर्न चाहेको बताएका छन् । उनका अनुसार देशमा स्वास्थ्य सेवा महँगो, पहुँचभन्दा बाहिर र असमान भएकोले नीति निर्माण तहमा पुगेर सुधार गर्न आवश्यक छ ।
निर्वाचन अभियानका क्रममा उनले स्थानीय तहमा विशेषज्ञ स्वास्थ्य सेवा विस्तार, जिल्ला अस्पताल सुदृढीकरण, गरिबका लागि निःशुल्क उपचार व्यवस्था र स्वास्थ्यकर्मीको क्षमता अभिवृद्धिलाई प्रमुख एजेन्डा बनाएका छन् ।
स्वास्थ्य क्षेत्रमा लामो अनुभव, अन्तर्राष्ट्रिय अध्ययन र सेवा भावनाका कारण आफू जनताको विश्वास जित्नेमा आशावादी रहेको डा. मण्डलले बताएका छन ।
