विराटनगर, ९ फागुन । सुनसरीको भोक्राहा नरसिंह गाउँपालिका–४ मा चुनावी कार्यक्रमका क्रममा नेपाली कांग्रेस र राष्ट्रिय स्वतन्त्र पार्टी (रास्वपा) का कार्यकर्ताबीच झडप भएको छ ।
कांग्रेसले आयोजना गरेको कार्यक्रम गर्न नदिने हल्लापछि तनाव बढेको थियो । प्रतिनिधिसभा उम्मेदवार ज्ञानेन्द्रबहादुर कार्की सभालाई सम्बोधन गर्न जाँदै गर्दा बाटोमा दुवै पक्षका युवाबीच भनाभन सुरु भई हातहालाहालमा परिणत भएको हो ।
स्थिति उग्र बन्दै गएपछि प्रहरीले लाठीचार्ज गरेर नियन्त्रणमा लिएको केशव थेवे (एसपी) ले जानकारी दिएका छन् । प्रहरी हस्तक्षेपपछि अवस्था सामान्य रहेको र निर्वाचन सुरक्षा कडा पारिएको छ ।
