रौतहट, ९ फागुन । रौतहटको गौरमा उत्पन्न तनाव नियन्त्रणमा लिन नेपाली सेना, नेपाल प्रहरी र सशस्त्र प्रहरी बल संयुक्त रूपमा परिचालन गरिएको छ।
शान्ति–सुरक्षा कायम गर्न सुरक्षा व्यवस्था कडा बनाइएको छ । विवादमा संलग्न रहेको आशंकामा १८ जनालाई नियन्त्रणमा लिइएको छ भने दुई समुदायबीच संवादमार्फत समाधान खोज्ने प्रयास भइरहेको प्रशासनले जनाएको छ ।
घटनालाई उक्साउने आशंकित व्यक्तिहरूमाथि निगरानी बढाइएको र आवश्यक कानुनी प्रक्रिया अघि बढाइने बताइएको छ । प्रशासनले सर्वसाधारणलाई संयमित र शान्त रहन आग्रह गरेको छ ।
