पाँचथर, ८ फागुन । नेपाली कांग्रेस का उपसभापति विश्वप्रकाश शर्मा ले फागुन २१ गते हुने प्रतिनिधिसभा निर्वाचनपछि कांग्रेस पहिलो पार्टी बन्ने दाबी गरेका छन् ।
राँकेबजार मा आयोजित इलाम–पाँचथरको चुनावी सभालाई सम्बोधन गर्दै उनले देशलाई निकास दिन कांग्रेसले जिम्मेवार र पूर्ण नेतृत्व गर्ने बताए ।
पहिलो दलले सरकारको नेतृत्व गर्ने र दोस्रो–तेस्रो दल प्रतिपक्षमा बस्ने प्रस्ताव कांग्रेसको रहने उनको भनाइ थियो । नयाँ ऊर्जा र कार्यक्रमसहित पार्टी चुनावमा होमिएको पनि शर्माले उल्लेख गरे।
