सर्लाही , ७ फागुन । मलंगवामा पेस्तोल पड्किँदा १५ वर्षीय बालक आकाश राम घाइते भएका छन् ।
सर्लाही सदरमुकाम मलंगवा नगरपालिका–४ स्थित ढाँका बोर्डर टोलमा घर नजिकै निर्माणाधीन हनुमान मन्दिरभित्र भेटिएको रातो कपडाले बेरिएको वस्तु नक्कली ठानी चलाउँदा गोली चलेको प्रहरीले जनाएको छ ।
गोली बालकको दाहिने हातको पन्जामा लागेको छ । घाइतेको अवस्था मध्यम रहेको र प्रादेशिक अस्पताल मलंगवामा उपचार भइरहेको छ ।
घटनास्थलबाट एक थान पेस्तोल बरामद गरिएको छ भने घटनाबारे थप अनुसन्धान भइरहेको प्रहरीले जनाएको छ ।
