काठमाडौं, ५ फाल्गुन । निर्वाचनअघि मत सर्वेक्षण गरी नतिजा सार्वजनिक गर्नु गलत भएको भन्दै रामप्रसाद भण्डारीले सञ्चार माध्यमहरूलाई त्यसो नगर्न आग्रह गरेका छन् ।
मंगलबार काठमाडौंमा आयोजित कार्यक्रममा उनले यस्तो कार्यले मतदाताको स्वतन्त्र निर्णयलाई दिग्भ्रमित बनाउने, उम्मेदवारलाई हतोत्साही गर्ने र निष्पक्ष प्रतिस्पर्धामा असर पार्ने बताए ।
उनले प्रविधि र आर्टिफिसियल इन्टेलिजेन्स (एआई) को दुरुपयोगले निर्वाचनको निष्पक्षतामा जोखिम बढ्न सक्ने चेतावनी दिँदै दिग्भ्रमित सामग्री सामाजिक सञ्जालमा नफैलाउन सबै पक्षलाई आग्रह गरे ।
निर्वाचन आयोगले निर्वाचन आचारसंहिताको पूर्ण पालना गर्न पनि अनुरोध गरेको छ ।
