काठमाडौं, १९ माघ । प्रधानमन्त्री सुशीला कार्कीले शिक्षा, विज्ञान तथा प्रविधिमन्त्री महावीर पुन रिसाएरै मन्त्री पदबाट बाहिरिएको स्पष्ट पारेकी छन्।
राष्ट्रिय सभा बैठकलाई सम्बोधन गर्दै उनले पुनले केही कानुन बनाउन प्रस्ताव गरे पनि छोटो समयमा ती कानुन बनाउन नसक्दा असन्तुष्ट भएर राजीनामा दिएको बताइन् ।
प्रधानमन्त्री कार्कीले पुनका माग उचित भए पनि विभिन्न परिस्थितिका कारण सबै कुरा सम्भव नहुने उल्लेख गर्दै यसलाई व्यक्तिगत निर्णय र अधिकारको विषयका रूपमा लिन आग्रह गरिन्।
मन्त्री पदबाट राजीनामा दिएपछि महावीर पुनले म्याग्दीबाट स्वतन्त्र उम्मेदवारी दिएका छन ।
