काठमाडौँ, १८ माघ । नेकपा संयोजक पुष्पकमल दाहाल ‘प्रचण्ड’ले आइतबार सार्वजनिक गरेको भिडिओ सन्देशमार्फत आफू पुराना नेताहरूको भीडमा नरहेको र अब सत्ताको लोभ नरहेको बताएका छन् ।
जेन-जी र युवालाई सम्बोधन गर्दै उनले देशलाई बन्धक बनाउने सत्ता–भागबण्डाको राजनीतिमा सहभागी नहुने स्पष्ट पारे । आफूले जीवनमा सन्तान, जीवनसंगिनी र सहयोद्धाहरू गुमाइसकेकाले संघर्ष व्यक्तिगत नभई सहिदहरूको सपना पूरा गर्ने यात्राका लागि भएको उनको भनाइ छ ।
भ्रष्टाचारको अन्त्य, पारदर्शिता र बलियो सरकार युवाको माग मात्र नभई आफ्नै पुरानो एजेन्डा भएको उनले बताए । प्रचण्डले सामाजिक सञ्जालका भ्रमबाट नबहक्न युवालाई आग्रह गर्दै अब नयाँ नेता परिक्षण गर्दै समय गुमाउने अवस्था नरहेको जिकिर गरे ।
देशलाई सही दिशामा नपु¥याएसम्म विश्राम नलिने प्रतिबद्धता पनि उनले व्यक्त गरे ।
