काठमाडौँ, १८ माघ । फागुन २१ गते हुने प्रतिनिधिसभा निर्वाचनका लागि प्रत्यक्षतर्फ १५ जिल्लाका १८ निर्वाचन क्षेत्रको मतपत्र छपाइ सम्पन्न भएको छ ।
निर्वाचन आयोगका अनुसार मतपत्र छपाइको काम जनक शिक्षा सामग्री केन्द्र, भक्तपुरमा जारी छ । आयोगले नमुना मतपत्र १० लाख ९८ हजार २ सय छपाइ गरी सम्बन्धित निर्वाचन क्षेत्रमा पठाइसकेको जनाएको छ ।
यस्तै, समानुपातिकतर्फ दुई करोड आठ लाख ३० मतपत्र छपाइको काम पनि पूरा भएको छ ।
