काठमाडौं, १७ माघ । निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनका लागि सातै प्रदेशका विभिन्न निर्वाचन क्षेत्रको नमूना मतपत्र सार्वजनिक गरेको छ ।
आयोगले एक मात्र निर्वाचन क्षेत्र भएका जिल्ला र एकभन्दा बढी क्षेत्र भएका जिल्लाका लागि फरक–फरक नमूना तयार गरेको जनाएको छ ।
आयोगका अनुसार नमूना मतपत्र मतदाता शिक्षाका लागि प्रयोग गरिनेछ । उम्मेदवारको सङ्ख्याअनुसार मतपत्रको आकार फरक–फरक बनाइएको छ ।
धेरै उम्मेदवार भएका क्षेत्रमा ठूला र कम उम्मेदवार भएका क्षेत्रमा साना मतपत्र रहनेछन् । समानुपातिक निर्वाचन प्रणालीतर्फका मतपत्र भने छपाइ भइसकेको आयोगले जानकारी दिएको छ ।
