काठमाडौं, १४ माघ । अर्थमन्त्री रामेश्वर खनालले सम्पत्ति शुद्धिकरणसम्बन्धी अपराधमा संलग्न व्यक्तिहरूको सम्पत्ति तत्काल जफत गर्न ढिलाइ गर्न नहुने बताएका छन् ।
सम्पत्ति शुद्धिकरण विभागको कार्यक्रममा उनले नेपालको प्रगति कमजोर रहेको उल्लेख गर्दै एफएटिएफ र एपीजीले समेत असन्तोष व्यक्त गरिरहेको बताए ।
अपराधीको सम्पत्ति जफत गरिएको ठोस प्रमाण अन्तर्राष्ट्रिय समुदायसमक्ष पेश गर्न सके नेपाल छिट्टै ग्रेलिस्टबाट बाहिर निस्कने उनको भनाइ छ ।
