जनकपुर, १४ माघ । फागुन २१ गते हुने प्रतिनिधिसभा सदस्य निर्वाचनमा मधेस प्रदेशबाट ५८ जना जेनजी पुस्ताका युवा उम्मेदवार चुनावी मैदानमा उत्रिएका छन् ।
निर्वाचन आयोगका अनुसार तीमध्ये २ जना महिला र ५६ जना पुरुष छन् । ४१ जना स्वतन्त्र र १७ जना विभिन्न राजनीतिक दलबाट उम्मेदवार बनेका हुन् ।
उज्यालो नेपाल पार्टी र जनमत पार्टीले सबैभन्दा धेरै (३–३) जेनजी उम्मेदवार उठाएका छन् ।
युवाको उल्लेखनीय सहभागिताले मधेसको राजनीतिमा पुस्तान्तरणको संकेत दिएको विश्लेषकहरूले बताएका छन् ।
