काठमाडौं, १४ माघ । आज काठमाडौँ उपत्यकामा हल्का वर्षा हुने सम्भावना रहेको मौसम पूर्वानुमान महाशाखाले जनाएको छ ।
वरिष्ठ मौसमविद् वरुण पौडेलका अनुसार दिउँसो करिब ३ बजेसम्म हल्का वर्षा हुन सक्ने देखिएको छ । पश्चिमी न्यून चापीय प्रणालीको प्रभावले काठमाडौँसहित देशभर मौसम बदली भएको छ भने पश्चिमी प्रदेशमा वर्षा र हिमपात भइरहेको छ ।
बादल लागेकै कारण काठमाडौँको न्यूनतम तापक्रम बढेर बिहान ८.५ डिग्री सेल्सियस मापन गरिएको छ । दिउँसोपछि भने बादल हट्दै राति मौसम सफा हुने अनुमान गरिएको छ ।
