काठमाडौं, १३ माघ । देशमा चुनावी माहोल चर्किरहेकै बेला पछिल्लो ६ महिनामा करिब ६ लाख नेपाली वैदेशिक रोजगारीका लागि विदेशिएका छन् ।
वैदेशिक रोजगार विभागका अनुसार चालु आर्थिक वर्ष २०८२÷८३ को साउनदेखि पुस मसान्तसम्म ५ लाख ९० हजार ७१८ जनाले श्रम स्वीकृति लिएका छन् ।
यस अवधिमा १ लाख ९६ हजारभन्दा बढीले पुनः श्रम स्वीकृति लिएका छन् । खाडी मुलुक, मलेसिया, जापान, दक्षिण कोरिया र युरोपेली देशहरू नेपाली श्रमिकका प्रमुख गन्तव्य बनेका छन् ।
विदेशिने क्रमसँगै ठगीका घटना पनि बढेका छन् । ६ महिनामै वैदेशिक रोजगारीसँग सम्बन्धित ५ हजार ७६६ उजुरी दर्ता भएका छन्, जसको ९० प्रतिशतभन्दा बढी व्यक्तिगत ठगीका रहेका छन् ।
