काठमाडौं, ५ माघ । सेनेगलले अफ्रिका कप अफ नेसन्सको उपाधि जितेको छ। गएराति भएको फाइनलमा मोरक्कोलाई अतिरिक्त समयमा १–० ले पराजित गर्दै सेनेगल च्याम्पियन बनेको हो ।
निर्धारित समय गोलरहित बराबरीमा सकिएपछि अतिरिक्त समयको ९४औँ मिनेटमा पापा गुएले निर्णायक गोल गरे । यसअघि मोरक्कोका ब्राहिम डियाजले पेनाल्टीको अवसर गुमाएका थिए, जसलाई सेनेगलका गोलकिपर एडुआर्ड मेन्डीले बचाए ।
पेनाल्टी निर्णयको विरोधमा सेनेगलका खेलाडी केही समय मैदान छोडे पनि कप्तान साडियो मानेको आग्रहमा पुन ः खेलमा फर्किएका थिए । ६६ हजारभन्दा बढी दर्शकको उपस्थितिमा भएको फाइनलमा मोरक्को ५० वर्षपछि पनि उपाधि जित्न असफल रह्यो ।
