काठमाडौं, २७ पुस । राष्ट्रिय प्रजातन्त्र पार्टी (राप्रपा) ले ३०४ औँ पृथ्वी जयन्ती तथा राष्ट्रिय एकता दिवसको अवसरमा काठमाडौंमा आयोजना गरेको जलपान कार्यक्रममा प्रधानमन्त्री सुशीला कार्कीको विशेष उपस्थिति रहेको छ ।
कार्यक्रममा प्रधानमन्त्री कार्कीलाई राप्रपाका अध्यक्ष राजेन्द्र लिङ्गदेनसहित पार्टीका शीर्ष नेताहरूले स्वागत गरेका थिए । जलपान कार्यक्रममा प्रधानमन्त्री कार्कीसँगै सञ्चार तथा सूचना प्रविधि मन्त्री जगदीश खरेल, उज्यालो नेपाल पार्टीका अध्यक्ष कुलमान घिसिङलगायत विभिन्न राजनीतिक दलका नेता–कार्यकर्ता सहभागी भएका थिए ।
साथै नेपालस्थित विभिन्न देशका कूटनीतिक नियोगका प्रमुख तथा प्रतिनिधि, नागरिक समाजका अगुवा, बुद्धिजीवी र सामाजिक क्षेत्रका व्यक्तित्वहरूको उल्लेखनीय उपस्थिति रहेको थियो ।
पृथ्वी नारायण शाहको योगदान स्मरण गर्दै आयोजना गरिएको कार्यक्रममा राष्ट्रिय एकता, सार्वभौमिकता र पहिचानको विषयमा अनौपचारिक छलफल समेत भएको बताइएको छ ।
राप्रपाले पृथ्वी जयन्तीलाई राष्ट्रिय महत्वको दिवसका रूपमा मनाउनुपर्ने धारणा दोहो¥याउँदै यस्ता कार्यक्रमले आपसी सद्भाव र संवादलाई मजबुत बनाउने विश्वास व्यक्त गरेको छ ।
