काठमाडौं, २६ पुष । राष्ट्रिय प्रजातन्त्र पार्टी (राप्रपा) भित्र परिवारवाद र अवसरवाद हावी भएको आरोप लगाउँदै समानुपातिक उम्मेदवार सूचीविरुद्ध आमरण अनसनमा बसेका महिला नेतृहरूलाई पार्टीको केन्द्रीय कार्यालयमै बाहिरबाट ताला लगाएर थुनिएको घटनाले विवाद चर्किएको छ ।
समानुपातिक सूची समावेशी र न्यायोचित नभएको आरोप लगाउँदै महिला नेतृहरूले शान्तिपूर्ण अनसन थालेका थिए । सूचीमा नेतृत्वसँग पारिवारिक सम्बन्ध भएकाहरूलाई प्राथमिकता दिइएको भन्दै उनीहरूले आपत्ति जनाएका छन् ।
अनसनरत नेतृहरूलाई कार्यालयभित्रै थुनिनु गैरलोकतान्त्रिक र अमानवीय व्यवहार भएको भन्दै उनीहरूले विरोध जनाएका छन् ।
