काठमाडौँ, २४ पुस । फागुन २१ गते हुने प्रतिनिधि सभा निर्वाचनका लागि सरकारले १ लाख ३३ हजार ९ सय ८० म्यादी प्रहरी भर्ना गर्ने तयारी गरेको छ ।
नेपाल प्रहरी तथा सशस्त्र प्रहरी बल नेपाल कार्यविधि–२०८२ अनुसार भर्ना प्रक्रिया अघि बढाइएको हो । इच्छुक नेपाली नागरिकले माघ १० गतेसम्म आवेदन दिन सक्नेछन् ।
अवकाश प्राप्त प्रहरी, सशस्त्र प्रहरी र सेना, यसअघि म्यादी प्रहरीका रूपमा काम गरेकाहरू तथा विदेशी फौजमा सेवा गरेका व्यक्तिलाई प्राथमिकता दिइनेछ ।
छनोट प्रक्रिया माघ ९ गतेभित्र सम्पन्न गरिने र माघ १५ गतेदेखि तालिम सुरु हुने नेपाल प्रहरीले जनाएको छ ।
