काठमाडौँ, २३ पुस । नेकपा एमालेले राष्ट्रिय सभाका लागि आफ्ना उम्मेदवारहरू टुंगो लगाएको छ ।
माघ ११ गते हुने राष्ट्रिय सभा निर्वाचनका लागि नेपाली कांग्रेस, नेकपा माओवादी केन्द्र र जसपा नेपालसँगको तालमेलअनुसार एमालेले पाउने सात सिटका उम्मेदवार तय गरिएको हो ।
एमालेले कोशी प्रदेशबाट रोशनी मेचेलाई उम्मेदवार बनाएको छ । त्यसैगरी बागमती प्रदेशबाट डा. प्रेमकुमार दङ्गाललाई अघि सारेको छ ।
गण्डकी प्रदेशबाट सम्झना देवकोटा, लुम्बिनीबाट रामकुमारी झाँक्री, कर्णालीबाट मीना रखाल तथा सुदूरपश्चिमबाट लीलाकुमारी भण्डारीलाई उम्मेदवार बनाइएको छ ।
आज राष्ट्रिय सभा निर्वाचनका उम्मेदवारको मनोनयन दर्ताको कार्यतालिका रहेको छ । मधेश प्रदेशको उम्मेदवार भने अझै टुंगो लाग्न बाँकी रहेको एमालेले जनाएको छ ।
