जनकपुर, २२ पुस । नेपाली कांग्रेसका नेता विमलेन्द्र निधिमाथि काठमाडौंस्थित पार्टी कार्यालय सानेपामा भएको दुव्र्यवहारको विरोधमा जनकपुरमा उनका समर्थक युवाहरूले कांग्रेस महामन्त्री गगन थापा र बिश्व प्रकास शार्माको पुत्ला दहन गर्दै प्रदर्शन गरेका छन् ।
निधि निकट युवाहरूले जनकपुरको पिरारीचौकमा भेला भई थापाविरुद्ध नाराबाजी गर्दै प्रतीकात्मक विरोध प्रदर्शन गरेका हुन् ।
उनीहरूले पार्टीभित्र असहिष्णुता बढ्दै गएको आरोप लगाउँदै निधिमाथि गरिएको व्यवहार कांग्रेसको अनुशासन र लोकतान्त्रिक मूल्य–मान्यताविपरीत भएको बताएका छन् ।
प्रदर्शनकारीहरूले घटनाको निष्पक्ष छानबिन गरी दोषीलाई कारबाही गर्न पार्टी नेतृत्वसँग माग गरेका छन् । उनीहरूको भनाइमा आन्तरिक मतभेदका नाममा नेतामाथि हुने दुव्र्यवहारले पार्टी कमजोर बनाउने खतरा रहेको छ ।
घटनापछि जनकपुरको राजनीतिक वातावरण केही समय तनावग्रस्त बनेको थियो भने सुरक्षा व्यवस्था पनि कडा पारिएको थियो ।
