काठमाडौं, २२ पुस । नेपाली कांग्रेसको केन्द्रीय कार्यसम्पादन समिति बैठक स्थगित भएको छ ।
राष्ट्रियसभा निर्वाचनसम्बन्धी छलफलका लागि बोलाइएको बैठक केहीबेर बसेर स्थगित गरिएको हो । पार्टी प्रवक्ता डा. प्रकाशशरण महतका अनुसार केही विषयमा सहमति बाँकी रहेकाले बैठक आजै केही समयपछि पुनः बस्नेछ ।
सोमबारको बैठकमा कार्यवाहक सभापति पूर्णबहादुर खड्काले राष्ट्रियसभा निर्वाचनमा हुने सम्भावित चुनावी तालमेलबारे सदस्यहरूलाई जानकारी गराएका थिए ।
राष्ट्रियसभा निर्वाचनमा कांग्रेस, नेकपा एमाले र नेपाली कम्युनिस्ट पार्टीबीच चुनावी तालमेलको अन्तिम तयारी भइरहेको जनाइएको छ ।
