काठमाडौं, २२ पुस । नेकपा एमालेका पूर्वकेन्द्रीय सदस्य तथा कपिलवस्तुबाट चारपटक संघीय सांसद निर्वाचित नेता बृजेशकुमार गुप्ताले पार्टी परित्याग गरेका छन् ।
जेनजी आन्दोलनका क्रममा सरकारको दमन, सुशासनका माग बेवास्ता र नेतृत्वमा सुधारको सम्भावना नदेखिएपछि एमाले छाड्न बाध्य भएको उनले बताएका छन् ।
पूर्वसंघीय मन्त्रीसमेत रहेका गुप्ताले पार्टी नेतृत्व भ्रष्टाचार संरक्षणमा केन्द्रित रहेको आरोप लगाए ।
भारतमा रहँदै उनले पार्टीबाट राजीनामा दिएको र आगामी राजनीतिक यात्राबारे मतदाता तथा शुभेच्छुकसँग परामर्श गरिरहेको गुप्ताले बताएका छन् ।
