काठमाडौं, २१ पुस । राष्ट्रिय स्वतन्त्र पार्टी (रास्वपा), नागरिक उन्मुक्ति पार्टीका पूर्वनेतृत्व र थरुहट÷थारुवान अभियन्ताबीच सोमवार नौ बुँदे राजनीतिक समायोजन भएको छ ।
सहमतिपत्रमा थारु बहुल क्षेत्रलाई ‘विशेष क्षेत्र’ घोषणा गर्ने, टीकापुर घटनालाई राजनीतिक घटनाको रूपमा मान्यता दिने, सरकारी सेवामा थारु आरक्षण सुनिश्चित गर्ने र प्रादेशिक सुशासनमा सर्वदलीय सहमति जुटाउने प्रतिबद्धता जनाइएको छ ।
रास्वपाका उपसभापति डोलप्रसाद अर्याल, दामोदर पण्डित, लक्ष्मण थारु र सुरेन्द्र चौधरीले हस्ताक्षर गरेका छन् ।
