जनकपुर, १० पुस । आज क्रिश्चियन धर्मका संस्थापक येशु ख्रीष्टको जन्मदिनको सम्झनामा नेपालसहित विश्वभर ‘क्रिसमस डे’ मनाइँदैछ ।
क्रिश्चियन समुदायले यस दिनलाई प्रेम, शान्ति र मुक्तिको दिवसका रूपमा मनाउने गर्छ । नेपालमा विसं २०६३ पछि क्रिसमस महोत्सवका रूपमा मनाउन थालिएको हो ।
आज काठमाडौंमा मूल समारोह समितिको आयोजनामा क्रिसमस महोत्सव आयोजना हुँदैछ । पछिल्ला वर्षहरूमा क्रिसमसका अवसरमा सार्वजनिक बिदा दिइँदै आएको छ भने ठमेल, पोखरा, बौद्ध, सौराहाजस्ता पर्यटकीय क्षेत्रमा विशेष रौनक देखिने गरेको छ ।
महासङ्घका अनुसार नेपालमा करिब ३० लाख क्रिश्चियन धर्मावलम्बी र १३ हजारभन्दा बढी चर्च छन् ।
