जनकपुर, ७ पुस । मधेस प्रदेशसभाका नवनियुक्त सभामुख रामअशीष यादवले पदभार ग्रहण गर्दै आफू कुनै दलको नभई सम्पूर्ण प्रदेशसभाको साझा अभिभावकका रूपमा निष्पक्ष भूमिका निर्वाह गर्ने बताएका छन् ।
उनले राजनीतिक दलहरूबीच संवाद र सहकार्यलाई जोड दिँदै प्रदेशका मुख्य मुद्दा समावेशिता, सुशासन, शिक्षा–स्वास्थ्य पहुँच, रोजगारी र सीमावर्ती चुनौतीलाई संसदीय प्राथमिकतामा राख्ने बताए ।
साथै प्रदेशसभालाई लोकतान्त्रिक, उत्तरदायी र मर्यादित रूपमा सञ्चालन गर्ने प्रतिबद्धता व्यक्त गर्दै कार्यपालिका माथि प्रभावकारी निगरानी आवश्यक रहेको उल्लेख गरे ।
