जनकपुर, २३ कार्तिक । मधेश प्रदेश प्रमुख सुमित्रा भण्डारीले नयाँ सरकार गठनका लागि आह्वान नगरेपछि नेपाली कांग्रेससहित ६ दलका नेताहरू प्रदेश प्रमुखको कार्यालय पुगेका छन् ।
कांग्रेस नेता कृष्णप्रसाद यादव, कार्यबाहक मुख्यमन्त्री जितेन्द्र सोनल, माओवादी केन्द्रका युवराज भट्टराई, जसपाका रामअशिष यादव, एकीकृत समाजवादीका कनिश पटेल, र नागरिक उन्मुक्तिकी उर्मिला देवी सिंहले संयुक्त रूपमा प्रदेश प्रमुखलाई संविधानको धारा १६८(२) बमोजिम नयाँ सरकार गठनका लागि आह्वान गर्न माग गरेका हुन् ।
यसअघि सोनलले शनिबार मुख्यमन्त्री पदबाट राजीनामा दिएका थिए, तर प्रदेश प्रमुखले अहिलेसम्म नयाँ सरकार गठनको प्रक्रिया सुरु गरेकी छैनन् ।
