काठमाडौं, २१ कत्तिक । जेन–जी आन्दोलनपछि बनेको अन्तरिम सरकारका मन्त्रीहरू पहिलोपटक संसदीय गतिविधिमा सहभागी भएका छन् ।
राष्ट्रिय सभा कार्यव्यवस्था परामर्श समितिको बैठकमा कानुन, न्याय तथा संसदीय मामिलामन्त्री अनिलकुमार सिन्हा उपस्थित भएको छ । प्रधानमन्त्री सुशीला कार्कीको नेतृत्वमा बनेको यो अन्तरिम सरकार दुई महिना अगाडि गठन भएको हो ।
प्रतिनिधिसभा विघटनपछि राष्ट्रिय सभा मात्र क्रियाशील रहेको छ । यसअघि सांसदहरूले प्रधानमन्त्री र मन्त्रीहरूलाई संसदमा उपस्थित भई शान्ति, चुनाव र अर्थतन्त्रबारे जानकारी दिन माग गरेका थिए ।
संसद्का पदाधिकारीहरूले सांसदहरूको स्वकीय सचिवको सुविधा कटौतीबारे असन्तुष्टि जनाएका छन्, जुन विषयमा शुक्रबारको कार्यव्यवस्था समितिमा छलफल भएको छ ।
