काठमाडौं, १४ असोज । राष्ट्रपति रामचन्द्र पौडेलले काठमाडौं उपत्यकाका महत्वपूर्ण शक्तिपीठहरुको दर्शन गरेका छन् ।
मंगलबार राष्ट्रपति पौडेलले काठमाडौंको नक्शाल भगवतीमा पुगेर पूजा आराधना गरेका हुन् । पूजा आराधना र दर्शन गर्नुका साथै उनले टीका र प्रसाद ग्रहण गरे ।
दसैँका अवसरमा हरेक वर्ष राष्ट्र प्रमुखको हैसियतमा उपत्यकाका विभिन्न शक्तिपीठको दर्शन गर्ने परम्परा रही आएको छ । बडा दसैँको आठौँ दिन आज देशभर माता दुर्गा भवानीको पूजा आराधना गरी मनाइएको छ ।
राजधानी बाहिरका चर्चित शक्तिपीठमा आज महागौरी भगवतीको पूजाअर्चना गरेर महाष्टमी मनाइएको छ ।
