काठमाडौं, १२ असोज । राष्ट्रिय मुक्ति पार्टीका अध्यक्ष राजेन्द्र महतोले पार्टीको सांगठनिक संरचना सुदृढीकरण तथा विविध जातीय र सांस्कृतिक समुदायको प्रतिनिधित्व सुनिश्चित गर्नका लागि राष्ट्रिय परिषद्का प्रमुखहरू मनोनीत गरेका छन्।
पार्टीद्वारा आइतबार जारी गरिएको विज्ञप्तिमा जनाइएअनुसार, नौवटा विभिन्न जातीय राष्ट्रिय परिषद्का लागि प्रमुखहरूको मनोनयन गरिएको हो। ती मनोनित व्यक्तिहरूले आफ्नो समुदायको स्वशासन, सांस्कृतिक संरक्षण तथा अधिकार प्रवर्द्धनमा अग्रसर भूमिका निर्वाह गर्ने जिम्मेवारी पाएका छन्।
मनोनित प्रमुखहरूको विवरण यस प्रकार छः
-
तमु राष्ट्रिय परिषद – कमला कुमारी गुरुङ
-
नेवाः राष्ट्रिय परिषद – सुमन सायमी
-
तामाङ राष्ट्रिय परिषद – मिङ्गमार तामाङ
-
लिम्बू राष्ट्रिय परिषद – रमेश योङ्हाङ
-
मगर राष्ट्रिय परिषद – जुनतारा पुन मगर
-
कोचिला राष्ट्रिय परिषद – चन्द्रप्रसाद राजवंशी
-
खस राष्ट्रिय परिषद – शेरबहादुर शाह
-
थारु राष्ट्रिय परिषद – चन्द्रकान्त चौधरी
-
मधेशी राष्ट्रिय परिषद – अनिलकुमार सिंह
पार्टीले स्पष्ट पारेअनुसार, ती प्रमुखहरूलाई विशेष कार्यक्षेत्र तथा जिम्मेवारीहरू प्रदान गरिएको छ। तीमध्ये स्वशासनसम्बन्धी विधान निर्माण, सांस्कृतिक पहिचान र संरक्षण, तथा संयुक्त राष्ट्र संघको स्वदेशी जनजाति सम्बन्धी मापदण्डको पालना मुख्य उद्देश्यहरू रहेका छन्।
राष्ट्रिय मुक्ति पार्टीले विभिन्न समुदायबीच समावेशिता, समानता र स्वायत्तता सुनिश्चित गर्ने आफ्नो अभियान अन्तर्गत यस्ता संरचनागत कदम चालेको जनाएको छ। पार्टी स्रोतका अनुसार, आगामी दिनमा यी परिषद्हरूलाई थप क्रियाशील बनाउँदै स्थानीय तथा राष्ट्रिय स्तरमा कार्यक्रमहरू संचालन गरिनेछ।
