जनकपुर, ७ असोज । जेन–जी आन्दोलनका क्रममा आगजनी र तोडफोडबाट क्षतिग्रस्त जनकपुर भन्सार कार्यालय पुनः पूर्ण रूपमा सञ्चालनमा आएका छन् ।
गत भदौ २३ र २४ गतेको आन्दोलनमा भन्सार कार्यालयमा आगजनी, लुटपाट तथा तोडफोड भएको कारण सबै काम अवरुद्ध भएका थिए । तर जनकपुरधाम भन्सार कार्यालयका सूचना अधिकारी राजकुमार अवाका अनुसार, असोज ५ गतेदेखि मुद्दासम्बन्धी कामसहित सम्पूर्ण सेवा पुनः सुरु भएको छ ।
यसअघि नै भडरिया, इनरुवा र जटही छोटी भन्सार कार्यालयमार्फत जाँचपास कार्य प्रारम्भ भइसकेको थियो । आन्दोलनका क्रममा भएको क्षतिको मूल्य करिब १३ करोड ८७ लाख ५० हजार रुपैयाँ पुगेको अवाले बताए ।
आगजनी र तोडफोडका कारण कार्यालय नजिकै रहेका दुई भवन, कर्मचारी निवास, दुईवटा भ्यान, एउटा निजी ट्रक, लिलामीका लागि राखिएका ३१५ मोटरसाइकल, फर्निचर, कम्प्युटर, प्रिन्टरलगायत सामग्री नष्ट भएका थिए ।
