काठमाडौं, २७ भदौ । ललितपुरको नक्खुस्थित कारागार प्रशासनले हालै जेलबाट बाहिरिएका थुनुवा तथा कैदीबन्दीलाई तत्काल सम्पर्कमा आउन आग्रह गरेका छन् ।
कारागार प्रशासनले जारी गरेको विज्ञप्तिमा भनिएको छ कि जेनजी आन्दोलनको बेला उत्पन्न परिस्थितिमा कारागार छाडेका सबैले कानुनी प्रक्रिया पालना गर्दै आत्मसमर्पण गर्नुपर्नेछ । रास्वपा सभापति रवि लामिछानेसहितका केही कैदीबन्दी बाहिरिएका थिए ।
लामिछानेले आफूलाई कानुनी प्रक्रिया पूरा गरेर नै रिहा गरिएको दाबी गरेका छन् । तर कारागार प्रशासनले उनीहरूलाई समेत सम्पर्कमा आउन र आवश्यक कानुनी प्रक्रिया पुरा गर्न अनुरोध गरेको हो ।
प्रशासनले चेतावनी दिंदै भनेको छ, “समयमै सम्पर्कमा नआएमा फरारको अवस्थाको निरन्तरता हुनेछ र कारागार ऐन २०७९ तथा अन्य प्रचलित कानुनअनुसार थप कडा कारबाही गरिनेछ ।”
