काठमाडौं, २६ भदौं । सुन्धारामा जेनजी समूहहरू हात हालाहालमै उत्रिएका छन् ।
धरान उपमहानगरपालिकाका मेयर हर्क साम्पाङ समर्थक आएपछि यहाँ झडपकै अवस्था सिर्जना भएको हो । सोमबार शान्तिपूर्ण रूपमा सुरु भएको प्रदर्शनमा प्रहरीको अत्यधिक दमनपछि मंगलबारको आन्दोलन भड्किएको थियो ।
भड्किएको प्रदर्शनले सार्वजनिक सम्पत्तिदेखि व्यक्कितगत सम्पत्ति ध्वस्त पा¥यो । हालसम्म ३४ जनाको मृत्यु भइसक्यो भने हजार बढी व्यक्ति घाइते हुन पुगे । शान्तिपूर्ण आन्दोलनमा उत्रिएको जेनजी प्रदर्शन भड्किन पुग्दा देशको सत्ता नै कायापलट हुन पुग्यो ।
यतिबेला देश सरकारविहीन अवस्थामा छ । नेपाली सेना बाहेक राज्यका सबै संरचना अस्तव्यस्त छन् । सेनाले अन्तरिम सरकार गठन लगायत देशलाई निकास दिने कार्यमा सहजीकरण गरिरहेको छ ।
जसका लागि विभिन्न जेनजी समूहसँग वार्ता गरिरहेको छ । जेनजीहरू आ–आफ्नो समूहको नेतृत्वका लागि पहल गरिरहेका छन् । यसै सन्दर्भमा बिहीबार दिउँसो सुन्धारामा जेनजीका समूहहरू प्रधानमन्त्री को बनाउने भन्ने विषयमा विवाद बढेको हो ।
हर्क साम्पाङ समर्थक आएपछि भने विवाद झडपमै पुगेको हो ।
