जनकपुर, १२ साउन । संघीय लोकतान्त्रिक मोर्चाभित्र मतभेद चुलिँदै गएको छ ।
मोर्चामा सहभागी सिके राउत नेतृत्वको जनमत पार्टीले मोर्चाको औचित्यमाथि प्रश्न उठाउँदै बैठक बहिष्कार गरेको छ । रुपन्देही ३ उपनिर्वाचनमा गठबन्धनको निर्णयमा असन्तुष्टि जनाउँदै जनमत बैठकमा नजाने भएको हो ।
मोर्चाका प्रवक्ता डा. शरद यादवले मोर्चा चुनावी स्वार्थमा केन्द्रित भएको र संविधान संशोधनजस्ता मूल उद्देश्यबाट विचलित भएको बताए । अन्य ६ दल गठबन्धनको पक्षमा रहे पनि जनमतले आफू अलग उम्मेदवार दिने अडान लिएको छ ।
साथै, अशोक राईको पार्टीलाई मोर्चामा नसमेटिएको विषयमा पनि जनमतले असन्तुष्टि जनाएको छ ।
