काठमाडौं, ३१ जेठ । भोजपुरमा पत्नीको कुटपिटबाट ३० वर्षीय युवकको मृत्यु भएको छ ।
भोजपुर नगरपालिका–३ गुप्तेश्वर निवासी ३० वर्षीय प्रकाश राईको पत्नीको कुटपिटबाट मृत्यु भएको प्रहरीले जनाएको छ । गएको बिहीबार बेलुका घरायसी विवादका क्रममा पत्नीको कुटपिटबाट गम्भीर घाइते भएका उनको शुक्रबार मृत्यु भएको छ ।
जिल्ला प्रहरी कार्यालयका प्रमुख प्रहरी नायब उपरीक्षक युवराज तिमिल्सिनाका अनुसार गम्भीर घाइते भएका उनलाई बिहान छिमेकीले थाहा पाएर उपचारका लागि लैजाने क्रममा बाटोमै मृत्यु भएको छ ।
प्रहरीले यो घटनामा थप अनुसन्धान जारी रहेको बताएका छन ।
