जनकपुर, २६ जेठ । राजर्षि जनक विश्वविद्यालयको मुल भवन निर्माणको मांग सहित जिल्ला प्रशासन कार्यालय धनुषा मार्फत प्रधानण्मन्त्री केपी शर्मा ओलीलाई ज्ञापन पत्र बुझाइएको छ ।
विश्वविद्यालय भवन निर्माण समन्वय तथा सहजकर्ताहरुले विश्वविद्यालय भवन निर्माणको लागि गुठी संस्थान संग लिजमा लिएको नगराइन नगरपालिकाको फुलगामा स्थित मनियारी चौरीको जग्गामा यथाशीघ्र भवन निर्माणको मांग सहित सोमवार ज्ञापन पत्र बुझाएका छ ।
समन्वय एवं सहजकर्ता धनुषा क्षेत्र नं. ३ (क) का सांसद पदका प्रत्याशी जीतेन्द्र कुमार यादव एवं नेपाली काँग्रेसका युवा नेता प्रवेश चौधरीको संयुक्त अगुवाईमा ज्ञापन पत्र बुझाइएको छ ।
विश्वविद्यालय संग भौतिक पूर्वाधार निर्माणको लागि पर्याप्त रकम रहेको र भवन निर्माणकै लागि गुठी संस्थान संग गत वर्ष ४३ बुन्दे सम्झौता गरि वार्षिक ५ लाख तीर्ने गरि २५ वर्षको लागि ९ विग्घा १४ कठ्ठा १३ धुर जग्गा लिजमा लिइ सकेको हुँदा समेत भवन निर्माण तर्फ विश्वविद्यालय प्रशासन मौन रहनु शंकास्पद रहेको ज्ञापन पत्रमा उल्लेख गरिएको छ ।
विश्वविद्यालय संग रकम र जग्गा रहेपनि पनि मासिक ६ लाखको भाडा तिरेर विश्वविद्यालय संचालन गर्नुले उनिहरुको नियत माथि नै शंका उब्जाएको उनिहरुले आरोप लगाएको छ ।
अग्रजहरुको लामो संघर्षपछि स्थापन भएको राजर्षि जनक विश्वविद्यालयलाई केही तत्वले हुलाकी राजमार्गकै नियतिमै लैजाने प्रयास गरि रहेको भन्दै उनिहरुले मुल भवन निर्माणका लागि तत्काल पहल गरि दिन समेत प्रधानमन्त्री संग आग्रह गरेका छन ।
