काठमाडौं, ११ जेठ । तत्कालीन सभामुख कृष्णबहादुर महराविरुद्ध बलात्कारको आरोप लगाउने रोशनी शाही आइतबार मृत फेला परेकी छन् ।
भक्तपुरको सूर्यविनायक नगरपालिका–२, बालकोटस्थित वृहस्पति मार्गमा डेरा गरी बस्ने शाही कोठाभित्रै मृत अवस्थामा फेला परेको जिल्ला प्रहरी परिसर भक्तपुरका डीएसपी ढुण्डिराज नेउपानेले जानकारी दिए ।
२०७६ साल असोजमा संसद सचिवालयकी कर्मचारीका रूपमा कार्यरत शाहीले तत्कालीन सभामुख महरामाथि बलात्कार प्रयासको आरोप लगाएकी थिइन् ।
आरोपपछि महराले सभामुख पदबाट राजीनामा दिएका थिए र पक्राउ परेका थिए । तर अदालतमा बयान फेरेपछि काठमाडौं जिल्ला अदालतले २०७६ फागुनमा महरालाई सफाइ दिएको थियो ।
https://www.facebook.com/kpkhabar02/videos/712719487945437
