जनकपुरधाम, ९ जेठ । सत्तारुढ नेकपा एमाले धनुषाको अध्यक्षमा भोला यादव निर्वाचित भएका छन् ।
धनुषामा रघुवीर महासेठ समूहले बनाएको प्यानल नै विजयी भएको हो । उनी पार्टी सचिव रघुवीर महासेठ समूहका हुन्। भोलाले ४०२ मत ल्याएर निर्वाचित हुँदा उनका प्रतिष्पर्धी लक्ष्मीनारायण यादवले मात्र २०० मत पाएका छन । लक्ष्मीनारायण केन्द्रीय सदस्य उमाशंकर अरगरिया समूहबाट प्रतिस्पर्धामा उत्रेका थिए ।
उपाध्यक्षमा तेजनारायण यादव ४३० मत ल्याएर निर्वाचित भएका छन् । पुरुषतर्फका प्रतिष्पर्धी हरिकिशोर यादव १९५ र महिलातर्फ किरण कापर १८४ मत पाएको निर्वाचन समितिले जनाएको छ ।
पाँच पदाधिकारीसहित १३५ सदस्यीय जिल्ला कमिटी चयन गर्न चुनाव भएको थियो । ६२८ मतदातामध्ये ६१५ मतदाताले मतदान गरेका थिए ।
