जनकपुर, ३ जेष्ठ । अग्रिकल्चर, मैनेजमेन्ट तथा शिक्षा विषयमा उत्कृष्ट गरेका १० जना विद्यार्थीहरुलाई संदीप युनिर्भसिटीले शनिवार पुरस्कृत गरेको छ ।
युनिभरसिटीको जनकपुरधाम स्थित कार्यालयले पुरस्कृत गरेको हो । परीक्षामा प्रथम स्थान ल्याउने अंगज कुमार यादवलाई २१ हजार दोस्रो स्थान ल्याउने आयुष कर्णलाई १५ हजार, तेस्रो स्थान ल्याउने विवेष कुमार यादवलाई ११ हजार, चौथो स्थान ल्याउने बसन्त यादवलाई ८ हजार र पाँचौ स्थान ल्याउने सृजना ठाकुरलाई ७ हजार रुपैया तथा मायाको चिनोबाट पुरस्कृत गरेको छ ।
त्यसै गरी पाँचजना विद्यार्थीलाई पाँच हजारको दरले पुरस्कृत गरेको छ । पुरस्कृत हुनेमा सम्पूर्ण अधिकारी, अमन मिश्र, दिप्ती यादव, रुपेश मण्डल र आशुतोष कुमार झा रहेको युनिभरसिटीका जनकपुर हेर्ने मैनेजर पंकज चौधरीले बताएका छन् ।
२०८१ फागुन १० गते जनकपुरधाम स्थित एउटा विद्यालयमा परीक्षा भएको थियो । सो परीक्षामा पाँचसय ६१ जना विद्यार्थीहरु सहभागी भएका थिए ।
युनिभरसिटीका मैनेजर चौधरीले संदीप युनिभरसिटीको महाराष्टूको नासिक र बिहारको मधुबनीमा क्याम्पस रहेको छ । इन्जिनियर गर्ने विद्यार्थीहरुलाई बिहारमा अध्ययन गर्नेलाई ५ लाख र महाराष्टूमा अध्ययन गर्ने विद्यार्थीहरुलाई साढे ९ लाख रुपैया लाग्ने गरेको बताएका छन् ।
उहाँले नेपालका विद्यार्थीहरु यस विश्वविद्यालयमा पढ्नेलाई कुनै पनि विचौलियाहरुको फन्दामा नपरी जनकपुरधाम स्थित कार्यालयमा सम्पर्क गर्नका लागि आग्रह पनि गरे । 
