काठमाडौं, २२ वैशाख । ९५ लाख १७ हजार ५०० रुपैयाँको केहि प्रमाण नरहेकोे प्रहरीले चार जनालाई पक्राउ गरी सार्वजनिक गरेका छन् ।
काठमाडौं तारकेश्वर नगरपालिका–३ फेदीका २९ वर्षीय समुन्द्र जमकट्टेल, सप्तरी, सप्तकोशी नगरपालिका–१ का ४३ वर्षीय गणेश राई, लमजुङ, दोदी गाउँपालिका–३ का ३१ वर्षीय सन्तोष गुरुङ तथा सोही ठाउँका ३९ वर्षीय सन्तोष घिमिरे पक्राउ भएको छ ।
जिल्ला प्रहरी परिसर काठमाडौँका प्रवक्ता एवं प्रहरी उपरीक्षक अपिलराज बोहराका अनुसार काठमाडौं महानगरपालिका–९ पिङ्गलास्थानमा पशुपति भिजन अगाडी सडकमा आइतबार दुई वटा मोटरसाइकलमा शङ्कास्पद अवस्थामा सवार उनीहरूको झोलामा खानतलासी गर्दा रकमसहित उनीहरू पक्राउ परेको हो ।
प्रमाण नरहेको रकम सहित पक्राउ परेका चार जानमाथि आवश्यक अनुसन्धान भइरहेको प्रवक्ता बोहराले जनाएको छ ।
