काठमाडौं, २१ वैशाख । राष्ट्रियसभाको बैठक सोमबार लागि १ बजे सम्मका लागि स्थगित भएका छन् ।
आज बसेको राष्ट्रियसभाको बैठकले ‘दलित समुदायको अधिकार तथा विकास सम्बन्धमा कानुनी व्यवस्थाको आवश्यकता सम्बन्धी प्रतिवेदन, २०८१ माथि छलफल गरि प्रस्ताव स्वीकृत ग¥यो । प्रतिवेदन विकास आर्थिक मामिला तथा सुशासन समिति सभापति कमला पन्तले सभामा पेस गरेकी थिइन् ।
यो प्रतिवेदन सभाले २०७९ चैत ८ गते स्वीकृत गरेको सङ्कल्प प्रस्ताव हो । प्रतिवेदनमा उठेका विषयमा सङ्घीय मामिला तथा सामान्य प्रशासन मन्त्री राजकुमार गुप्ताले जवाफ दिएका थियो । त्यस्तै सभामा राष्ट्रियसभाका सचिव डा. सुरेन्द्र अर्यालले ‘केही नेपाल ऐन संशोधन गर्ने विधेयक, २०८०’ र भन्सार विधेयक, २०८०’ का सम्बन्धमा प्रतिनिधिसभाबाट प्राप्त सन्देशहरू टेबुल गरेको छ ।
बैठकमा प्रधानमन्त्री केपी शर्मा ओलीको तर्फबाट सञ्चार तथा सूचना प्रविधि मन्त्री पृथ्वी सुब्बा गुरुङले ‘संवैधानिक परिषद् ‘काम, कर्तव्य, र अधिकार र कार्यविधि सम्बन्धी (पहिलो संशोधन) विधेयक, २०७९ माथि विचार गरियोस्’ भन्ने प्रस्ताव प्रस्तुत गरेको हो ।
त्यो प्रस्ताव सभाले सर्वसम्मतिले स्वीकृत गरेको छ । विधेयकमा संशोधनको समय पनि सभाले खुला गरेको छ । सभामा अध्यक्ष नारायणप्रसाद दाहालले सभाको आकस्मिक र शून्य समयमा सांसदहरूले उठाएका प्रश्नको जवाफ दिन मन्त्रीहरूलाई रुलिङ गरेको छ ।
उनले नियमावलीले तोकेको समयभित्र सभामा उपस्थित भएर जवाफ दिन मन्त्रीहरूको ध्यानाकर्षण गराएका छन् । त्यस्तै सभाले भारतको उडिसा राज्यस्थित कालिङ इन्स्टिच्युट अफ इन्डस्टरियल टेक्नेलोजी (किट) मा अध्ययनरत छात्रा प्रिसा साहको मृत्युबारे निष्पक्ष सत्य तथ्य छानबिन निजलाई उचित न्याय प्रदान गर्न नेपाल सरकारको ध्यानाकर्षण गराएको छ ।
