जनकपुर, १९ वैशाख । विश्व प्रेस स्वतन्त्रता दिवसको अवसरमा नेपाल पत्रकार महासंघ धनुषा शाखाले शनिबार विशेष कार्यक्रमको आयोजना गर्ने भएको छ ।
वैशाख २० गते बिहान आयोजित हुने कार्यक्रममा प्रभातफेरीसहित पत्रकार तथा सञ्चारकर्मीहरूका लागि निःशुल्क स्वास्थ्य परीक्षण शिविर सञ्चालन गरिने छ ।
महासंघका अध्यक्ष पुरन साहका अनुसार प्रभातफेरी शनिबार बिहान ६:३० बजे नेपाल पत्रकार महासंघ धनुषा शाखाको कार्यालयबाट सुरु हुनेछ । महासंघबाट सुरु हुने प्रभात फेरी जानकी मन्दिर जनकचौक हुदै मधेश सरकारको स्वास्थ्य प्रयोगशालामा पुगेर स्वास्थ्य शिविरमा परिणत हुनेछ ।
कार्यक्रमको उद्देश्य पत्रकारिताको स्वतन्त्रताको महत्वलाई जनमानसमा जागरुक गराउनु र पत्रकारहरूको स्वास्थ्यप्रति सचेतना बढाउनु रहेको जनाइएको छ ।
प्रभातफेरीपछि आयोजना हुने स्वास्थ्य शिविरमा बीएमआई (शरीर तौल र उचाइको अनुपात), उच्च रक्तचाप, मधुमेह, मृगौला कार्यक्षमता, र महिलाका लागि पाठेघर मुखको स्क्रिनिङ्ग जस्ता परीक्षणहरू गरिनेछ ।
स्वास्थ्य परीक्षणमा अनुभवी चिकित्सकहरूको टोली सहभागी हुने जानकारी आयोजकले दिएका छन् । महासंघका अध्यक्ष साहले सम्पूर्ण पत्रकार, सञ्चारकर्मी र मिडिया संस्थाका प्रतिनिधिहरूलाई कार्यक्रममा सहभागिता जनाउन आग्रह गरेका छन् ।
उनले भने, “स्वतन्त्र प्रेस लोकतन्त्रको मेरुदण्ड हो, र पत्रकारहरूको स्वास्थ्य सुरक्षा पनि हाम्रो पहिलो प्राथमिकता हो ।
