जनकपुर, १ बैशाख । राष्टिूय दलित तत्मा सामाजले बाबा भीमराव अम्बेडकरको १३४ औं जन्मजयन्ति भव्यता पूर्वक मनाइएको छ ।
समाजका केन्द्रिय अध्यक्ष रामअशिष दासको अध्यक्षतामा मनाइएको अम्बेडकरको १३४ औ जन्मजयन्ति समारोहमा सहभागी वक्ताहरुले उहाँले दलित समुदाय लगायतको क्षेत्रमा गरेको योगदान अनुकरणीय रहेको बताउँदै जातिय उत्थानका लागि दिएको नारालाईलाई आत्मसाथ गर्न सबैमा आग्रह गरेका छन् ।
अम्बेडकरले जातिय उत्थान र विकासका लागि शिक्षा महत्वपूर्ण रहेको बताउँदै शिक्षा बिना अधिकारको बारेमा बुझ्न नसक्ने र अधिकार संगठित र संघर्ष बिना सम्भव नरहेकोले शिक्षित, संगठित र संघर्षको बाटोलाई रोज्न सबैमा आग्रह गरेका छन् । बाबा भीमराव अम्बेडकरको विचारलाई विश्वले मानिरहेका छन् ।
उहाँको विचारलाई स्मरण गर्नुपर्छ सहभागीहरुले भने, ‘नेपालमा पनि उहाँको विचारलाई आत्मसात गर्नका लागि उहाँको नाउँमा पुस्तकालय तथा स्टेच्यु निर्माण गर्न सबैले सुझाएका छन् ।
कार्यक्रममा राष्ट्रिय दलित पत्रकार संघ, नेपालका प्रदेश अध्यक्ष कैलास दासले भीमराव अम्बेडम्बरको जीवन बारे थोरै यहाँका पाठ्यपुस्तकहरुमा पढाइन्छन् ।
स्थानीयस्तरमा उहाँको बारेमा पठनपाठन हुनुपर्नेमा जोड दिएका छन् । उहाँले भन्नु भयो–‘हिन्दु राज्यमा सबभन्दा बढी पीडित दलित समुदाय नै हुनुहुन्थ्यो । हिन्दु हुनु ठिक छ तर हिन्दु राज्यको वकालत गर्नु दलित समुदायको लागि उचित नरहेको बताउँदै नेपालमा संविधान संशोधनको नाउँमा समानुपातिक सिट हटाउन लागेकोले त्यसप्रति सजग र सचेत रहन सबैमा आग्रह गर्नुभयो ।
कार्यक्रममा प्रोफेसर बालेश्वर ठाकुर, मुलवासी अभियन्ता जयप्रकाश साह, पत्रकार मिश्रीलाल मधुकर, इन्जिनियर रामबाबु दास, दलित समुदायका नेता पञ्चलाल दास, रामपृत दास, अशोक धन्कार, रामसरण दास, उपेन्द्र दास, राजदेव दास सहितका व्यक्तिहरुले उहाँको विचारमाथि प्रकाश पारेका छन्
