काठमाडौं, २८ चैत । त्रिभुवन विश्वविद्यालयका उपकुलपति प्रा. डा. केशरजङ्ग बरालको राजीनामा स्वीकृत भएको छ ।
प्रधानमन्त्री एवं कुलपति केपी शर्मा ओलीले त्रिभुवन विश्वविद्यालयका उपकुलपति बरालको राजीनामा स्वीकृत गरेका हुन् । ओलीले बिहिवार बरालको राजीनामा स्वीकृत गरेको प्रधानमन्त्री सचिवालय स्रोतले जनाएको छ ।
गत चैत ११ गते त्रिभुवन विश्वविद्यालयको उपकुलपतिबाट बरालले राजीनामा दिएका थिए । बरालले स्वास्थ्यको कारण देखाएर प्रधानमन्त्री तथा मन्त्रिपरिषद्को कार्यालयमा राजीनामापत्र बुझाएका थिए । बराल गत वर्षको फागुन १० गते त्रिवि उपकुलपतिमा नियुक्त भएका थिए ।
